Ana
Алгоритамската почетна страница на Инстаграм наскоро би можела да биде заменета со содржини понудени по традиционален хронолошки редослед, објави денеска извршниот директор на платформата Адам Мосери, пренесува Раша тудеј.
Иако не прецизираше конкретен датум, Мосери рече дека неговата компанија „се насочува кон првиот квартал од следната година“ да лансира основна почетна страница што многу корисници ја бараат со години.
Во 2016 година, Инстаграм го замени својот оригинален хронолошки распоред на почетната страница со контроверзен алгоритам за рангирање, кој нуди содржина на корисниците врз основа на нивните активности во апликацијата и личните преференци.
