Италијанците одобрија, навивачите можат да одат на европски натпревари!

Претседателот на Фудбалскиот сојуз на Италија (FIGC), Габриеле Гравина, потврди дека тамошната влада дозволила враќање на навивачите на Олимпискиот стадион во Рим за Европското првенство оваа година.

„Тоа е добро за земјата, не само за спортот“, рече Гравина, како што пренесуваат италијанските медиуми.

Првиот натпревар на Европското првенство ќе се игра на стадионот „Олимпико“ во Рим, на 11 јуни, кога ќе се сретнат Италија и Турција. На тој стадион ќе се играат и натпреварите на Италија против Швајцарија и против Велс, во рамките на групата А.

„Особено сакам да му се заблагодарам на министерот за здравство, бидејќи тој побара од Техничко-научниот комитет (ЦТС) да ги најде најдобрите решенија, што ќе овозможи присуство на навивачи на стадионот„ Олимпико “во Рим за Европското првенство“, рече Гравина.

Во Рим ќе се одигра и еден натпревар од четвртфиналето на Европското првенство, кој започнува на 11 јуни и завршува на 11 јули оваа година.