Ana
Џенифер Лопез не била задоволна што морала да има заеднички настап со Шакира на Суперболот 2020 година – толку многу што танцот што го гледаа сите го нарече „најлошата идеја на светот“ во нејзиниот нов документарен филм „Halftime“.
Да потсетиме, документарецот вчера ја имаше својата премиера на фестивалот Tribeca во Њујорк.
Кога беше објавено дека Џеј Ло и колумбиската музичка ѕвезда ќе имаат заеднички настап на стадионот „Хард Рок“ во Мајами, многу фанови не знаеја дека Џенифер не е поддржувач на оваа идеја.
На полувремето на „Суперболот“, Лопез имала конфликт со раководителите на НФЛ околу тоа зошто сакаат две жени да вршат работа која обично оди само на еден уметник.
– Имаме шест е *ени минути. Имаме 30 секунди од песната, а ако одвоиме минута, толку, ни остануваат уште пет. Но, мора да има одредени песни што ги пееме. Мора да ги имаме нашите пејачки моменти. Тоа нема да биде е*ано танцово шоу. Мора да ја испееме нашата порака. Ова е најлошата идеја на светот двајца да настапат на Супербол. Тоа беше најлошата идеја на светот – му кажала Лопез во еден момент на својот музички директор, пишува „Дејли мејл“
Џеј Ло и Шакира на крајот открија дека е можно да соработуваат, но нивната врска беше ладна, но професионална. Музичките ѕвезди се видени како зборуваат за нивниот настап.
„Мислам, Шакира, она што треба да го имаме е ти да имаш половина од времето, а јас да имам половина“, рекла Лопез дипломатски на Шакира.
