Џејми Варди им донесе победа на Лестер

Џејми Варди влезе од клупата за резерви во второто полувреме на натпреварот и успеа да го постигне победоносниот погодок против Арсенал и ја означи првата победа на Лестер на гости кај Топџиите уште од 1973 година. Варди, 33, ги пропушти минатите 2 натпревари поради повреда на мускулот.

Поранешниот Англиски репрезентативец го постигна погодокот по асистенцијата на новиот играч на Лестер Џенгиз Ундер кој исто така влезе во игра во второто полувреме. Арсенал доминираше во првото полувреме од натпреварот, дури и успеа да постигне гол кој беше поништен од ВАР собата, но одигра бледо второ полувреме.