83-годишниот Кеничи Хори, јапонски авантурист, денеска се врати дома откако сам, со непрекината пловидба го премина Пацификот, со што стана најстарата личност која го направила тоа.
„Само што ја преминав целната линија. Уморен сум“, напишал Хори на својот блог откако денеска во утринските часови пристигнал во Јапонија, пренесува „Reuters“.
Japanese yachtsman Kenichi Horie, 83, has become the oldest person to sail across the Pacific solo and non-stop. His journey took him all the way from San Francisco in the United States to Japan ⛵🌊https://t.co/aEiK1IH2sh
— DW News (@dwnews) June 4, 2022
Хори заплови во мореузот Ки на западниот брег на Јапонија, завршувајќи го своето транспацифичко патување за 69 дена. На патувањето тргна во март оваа година, кога го напушти пристаништето за јахти во Сан Франциско.
Овој 83-годишен авантурист во 1962 година стана првата личност на светот која успешно завршилa самостојно непрекинато патување преку Пацификот, од Јапонија до Сан Франциско. 60 години подоцна, со својата 6-метарска јахта „Suntory Mermaid III“ го помина истиот пат во спротивна насока.
Хори исто така остварил низа други самостојни патувања на долги растојанија, вклучувајќи и пловидба околу светот во 1974 година, наведува „Reuters“.