Откако ги избриша сите објави од нејзиниот Инстаграм и ја замени сликата на нејзиниот профил на социјалните мрежи со црна, Џенифер Лопез најави нов албум наречен „This Is Me… Now“ кој е продолжение на нејзиниот албум од 2002 година.
Новиот албум на 53-годишната уметничка ќе излезе следната година. Станува збор за продолжение на албумот од 2002 година, во кој беше вклучен и добро познатиот хит „Jenny From The Block“, пишува dailymail.co.uk.
На сметката на Твитер и ТикТок на Џеј Ло има црна слика наместо нејзиното лице. Но, објавите не беа отстранети на тие платформи. Лопез има 45,5 милиони следбеници на Twitter, 15,4 милиони на TikTok.