Хименез заработил скршеница на черепот по дуелот со Давид Луиз!

Напаѓачот на Вулверхемптон Раул Хименез мораше да оди на операција по дуелот со Давид Луиз за време на натпреварот во неделата поради скршеница на черепот. Хименез беше заменет во раната фаза на натпреварот откако по корнерот на Арсенал се удри со глава со дефанзивецот Давид Луиз. Тој доби кислород на теренот, пред да биде пренесен во болница.

„Раул се чувствува добро по операцијата минатата вечер. Од тогаш тој се видел со неговата партнерка Даниела и моментално одмара. Тој ќе остане под докторски надзор уште неколку дена и ќе го започне процесот на закрепнувањето.“ соопштија од клубот.