Ana
Џони Деп се враќа во акција во краток филм снимен за промоција на мобилната игра „Sea of Dawn“.
Како што објави веб-страницата movieweb, по судскиот процес за клевета меѓу него и неговата поранешна сопруга Амбер Херд, кој привлече големо внимание во јавноста, актерот Џони Деп се врати на својата кариера. 59-годишниот Деп за следната година закажа турнеја со својот бенд „Холивуд вампири“, а треба да го игра и кралот Луј XV во историската драма „Jeanne du Barry“.
Сепак, Деп неочекувано првпат се појави во краткиот филм „Авантуристска игра“, во кој игра лик многу сличен на капетанот на пиратите Џек Спароу од филмскиот серијал на Дизни „Пиратите од Карибите“, што го направи познат меѓу помладите генерации.
Филмот е долг четири минути и е реклама за играта „Sea of Dawn“ за мобилни телефони, направена од кинеската компанија Mosasaur Studio. Деп глуми ексцентричен поморски авантурист и собирач на ситници по име Филип Артур.
Во интервјуто кое го даде по повод оваа улога, Деп, кој претходно изјави дека не сака да се врати во улогата на Џек Спероу, тврди дека ликот на Филип Артур го создал самиот и дека целосно бил вклучен во производството.
Инаку, судската битка на Деп со поранешната сопруга поради обвиненијата дека ја злоупотребува, му се закани на неговиот углед и неговата холивудска кариера, а филмското студио „Ворнер Брос“ побара од него да го напушти понатамошното снимање на нивната франшиза базирана на Хари Потер „Fantastic Beasts“.
Сега кога судењето заврши во негова корист и му беше досудена голема сума пари како отштета, додека другата тужба заврши со вонсудска спогодба, Деп се враќа на кариерата, музиката и уметноста, а неодамна ја продаде својата уметност колекција за 3,6 милиони долари.
