Јувентус ќе се сретне со Интер во полуфиналето на италијанскиот Куп

Избраниците на Пирло станаа трет полуфиналист во купот, откако со „пола гас“ ја совладаа екипата на Спал со резултат од 4-0. Старата Дама го одигра овој натпревар без неколку првотимци и без својата најголема ѕвезда Кристијано Роналдо.

Бјанконерите поведоа во 16 минута преку голот на Мората, а веќе во 33 минута беше зголемено водството на 2-0 со голот на Фаброта. Останати играчи кои се запишаа во листата на стрелците се Кулушевски и Киеза. Јувентус ќе се сретне со Интер во следната фаза од купот.