Ana
Топлотните бранови се шират низ Европа. Се уриваат температурни рекорди, се издаваат црвени предупредувања, пругите се топат, шумските пожари се шират.
Во тој екстремен период не страдаат само луѓето, туку и животните. Сега особено се плашат за градските животни, откако многу власти донесоа одлуки за заштеда на вода од градските извори, кои најмногу се потпираа на градските фонтани и слични извори на ладење.
Истото е и со домашните миленици – свежата вода мора да им биде постојано достапна. Еве неколку совети за тоа како да им помогнете на домашните миленици и на другите животни во оваа топлина.
Доволно вода
За да ги заштитат од високите температури, организациите за заштита на животните посочуваат дека треба постојано да имаат пристап до свежа вода.
Повремено можете да додавате коцки мраз во чиниите со вода за да се изладат или можете сами да подготвите ледени задоволства за вашите миленици.
Исто така, можете да им дадете влажни крпи да легнат или да оставите базен или леген полн со вода доколку имате двор.
Доколку морате да го прошетате вашето домашно милениче или да го пуштите надвор, внимавајте да не е во времето кога сонцето е најсилно и не заборавајте – температурата на патот, односно асфалтот може да биде десет степени повисока од температурата во воздухот. Вашето милениче навистина ќе го почувствува тоа, а ќе предизвикате и сериозни рани на шепите.
Обезбедете им сенка
Исто како и луѓето, животните исто така можат да страдаат од сончев удар. Затоа е важно животното да има пристап до сенка кога температурите се високи.
