Ana
Вистината е дека ништо не може да го надмине добриот тренинг кога се обидувате да останете во форма и да го подигнете нивото на ендорфин. Сепак, постојат многу работи што можете да направите за да потрошите калории без многу напор.
Повеќето начини на согорување на калории се прилично едноставни и премногу прифатливи за да не ги користите. Некои од нив може да бидат невообичаени, но можат да помогнат, особено ако не сте љубител на теретана.
Изладете ја водата пред да ја пиете
Консумирањето вода ги одржува луѓето хидрирани, а исто така може да го стимулира метаболизмот и да го поттикне согорувањето на калориите. Според студија од 2003 година, ефектот на конзумирање вода може да се зголеми со ладење на водата пред да ја пиете.
Кога ќе се освежите со ладна вода, го загревате внатрешно на телесната температура, што може да ја зголеми стапката на метаболизам до 40 проценти. Други истражувања покажаа дека пиењето половина литар ладна вода може да помогне во согорувањето помеѓу 24 и 30 проценти повеќе калории во првите 90 минути.
Истуширајте се
Потопувањето во топла бања е многу повеќе од само релаксирање. Студија од 2018 година откри дека топла бања ја подобрува циркулацијата и транспортот на кислород и хранливи материи низ целото тело, што го олеснува отстранувањето на метаболичкиот отпад. Процесот е познат како пасивно загревање и дава слични придобивки како вежбањето.
Посетете ја сауната
Покрај топла бања, сауната може да ви помогне и во слабеењето. Студија од 2019 година докажа дека 60-минутниот престој во сауна може да помогне во губење на 0,65 килограми, додека повторените 10-минутни серии исто така ги намалуваат висцералните маснотии.
Обидете се со лимфна дренажа
Стимулирање на лимфниот систем ви обезбедува многу придобивки кои вклучуваат забрзување на метаболизмот.
Истражувањето од 2013 година покажа дека лимфната дренажа ја зголемува циркулацијата, го отстранува биохемискиот отпад од крвта и телесните ткива, го намалува стресот на телото, ја намалува подуеноста и заморот, го намалува воспалението и го поттикнува подобриот сон.
Туширајте се со ладна вода
Друг начин да го стимулирате вашиот лимфен систем е да се истуширате со ладна вода после бања или сауна.
Според студија објавена во 2014 година во престижното списание „ПЛОС Оне“, изложеноста на студ може да ви помогне да ја зголемите стапката на метаболизам, покрај зголемувањето на ендорфините, намалување на воспалението и смирување на болните или уморни мускули. Доволно е да поминете 60 до 90 секунди под ладна вода.
Зборувајте стоејќи
Додека правите некои вообичаени работи, како што е разговор на телефон, можете да стоите. Ако сакате да го забрзате согорувањето на калориите, обидете се да балансирате на едната нога за време на повикот, и да се префрлите на другата за време на следната.
Дишете од дијафрагмата
Дијафрагматското дишење или абдоминалното дишење влијае на желудникот, дијафрагмата и стомачните мускули, поефикасно полнејќи ги белите дробови со воздух. Тоа помага да се подобри функцијата на белите дробови, и има корисен ефект врз крвниот притисок и пулсот.
Наспијте се убаво
Добриот сон го подобрува вашето расположение, ве релаксира и ви помага да детоксицирате и да ги лекувате мускулите после интензивен тренинг.
Длабокиот сон согорува калории и го одржува нашиот метаболизам здрав.
Смејте се
Често се вели дека смеењето е најдобриот лек, и дали знаевте дека согорува калории?
Студија објавена во Интернационалниот весник за дебелина покажа дека „вистинската смеа“, како смеата за време на забавен филм, може да ја зголеми стапката на метаболизам за 10 до 20 проценти.
