Ana
Мандарините го зајакнуваат имунолошкиот систем и ви помагаат да ослабете! Тие се значаен извор на влакна, го одржуваат желудникот полн долго време, ја намалуваат потребата постојано да грицкате нешто.
Истражувањата покажуваат дека мандарините имаат бројни придобивки за нашето здравје, обликот на телото и изгледот.
Една мандарина обезбедува приближно една третина од дневните потреби за витамин Ц, а содржи и супстанции кои имаат антиинфламаторно и антиоксидантно дејство.
Мандарините се богати со растителни флавоноиди кои го зајакнуваат здравјето. Флавоноидите се антиоксиданси кои помагаат во одбраната на вашето тело од нерамнотежа на слободните радикали, што инаку може да доведе до оксидација.
Оксидацијата може да го промовира стареењето и болеста.
Поради високата содржина на витамин Ц, мандарините можат да го зајакнат вашиот имунолошки систем. Витаминот Ц е антиоксиданс кој ја подобрува функцијата на имуните клетки. Исто така, го подобрува интегритетот на кожата и ткивата. Освен тоа, зголемената доза на витамин Ц може да го скрати времето на зараснување на раните во одредени ситуации, пишува Gloria.hr. Го зајакнуваат здравјето на цревата.
Цитрусните овошја, вклучително и мандарините, се особено богати со растителни влакна, тие создаваат гел во дигестивниот систем и вовлекуваат вода во цревата за да ја омекнат столицата, што потенцијално ја олеснува работата на цревата. Внесувањето на влакна е поврзано со намален ризик од хронични болести и може да биде добар за слабеење.
Мандарините се добри за црниот дроб
Истражувањата покажаа дека мандарините можат да го намалат ризикот од развој на рак на црниот дроб. Имено, каротеноидите (растителни пигменти) присутни во мандарините поради високите концентрации на витамин А, докажано го намалуваат ризикот од рак на црниот дроб. Сокот од мандарина, кој се дава на пациенти со хепатитис Ц, го спречува развојот на рак на црниот дроб поради високата содржина на бета криптоксантин (природен каротеноиден пигмент).
Тие се значаен извор на влакна!
Долго го одржуваат желудникот полн и ја намалуваат желбата и потребата да се јаде повеќе храна, мандарините помагаат за слабеење. Лекарите откриле дека консумирањето мандарини помага во намалување на инсулинот бидејќи шеќерот од ова овошје се претвора во енергија.
Го намалуваат ризикот од камења во бубрезите
Опсежните истражувања ја поврзаа исхраната богата со агруми со намален ризик од камења во бубрезите, кристализирани минерали кои телото ги излачува во урината.
Ниското ниво на цитрат во урината може да предизвика формирање на одредени видови на камења во бубрезите. За среќа, редовното консумирање на агруми, како што се мандарини, може да го зголеми нивото на цитрати. Сепак, ова тврдење бара дополнително истражување пред да се извлечат цврсти заклучоци.
