Kanye West стана најбогатиот Афро-Американец во светот!

Раперот и претприемач Kanye West (43) ја зголемил вредноста на своето богатство на 6,6 милијарди долари, пренесуваат американските медиуми.

Според последните информации, Kanye West станал најбогатиот Афро-Американец во светот, и материјално ги надмина Опра Винфри и нејзините 3,5 милијарди долари, Мајкл Џордан со 2,2 милијарди долари и Роберт Џејмс Смит, кој поседува 6,5 милијарди долари.

Минатата година во ова време, раперот ја проби магичната граница од една милијарда долари, за неодамна да ја зголеми на многу повисоко ниво.

Големите деловни потези што ги направи со неговиот бренд „Yeezy“ во последните години имаат најголемо влијание врз растот на неговото богатство.

Неодамнешниот договор на Yeezy со GAP и Adidas го собра своето богатство за 4,7 милијарди долари. Бидејќи Kanye е единствен сопственик, таа сума се додава на неговата нето вредност од 1,9 милијарди долари.

По распадот на бракот со Ким Кардашијан, раперот сериозно се посвети на бројни бизниси.