Kia повлекува 295.000 автомобили поради можноста од запалување!

Kia повлече скоро 295.000 возила во САД затоа што моторите може да застанат или да се запалат!

Повлекувањето доаѓа само една недела откако американската влада ги казни Kia и сродниот корејски производител на автомобили Hyundai за наводно одложување на повлекувањето.

Одредени автомобили беа повлечени – џиповите Sorento од 2012 и 2013 година, автомобилите Forte и Forte Coupe произведени помеѓу 2012 и 2015 година и хибридните автомобили Optima произведени од 2011 до 2013 година.

Исто така беа повлечени SUV Soul произведени во 2014 и 2015 година и SUV Sportage 2012 година.

Kia во документите објавени од американската влада вчера изјави дека не е пронајден производен дефект во автомобилот, туку дека ги повлекува возилата со цел да се намали ризикот од појава на пожар.