На управата и играчите на Атлетико Мадрид им прескокнаа срцето во вторникот, затоа што рутинскиот тренинг на мадридскиот клуб се претвори во застрашувачка сцена.
Вака изгледаше кога фудбалерот Муса Дембеле одеднаш се онесвести и падна на грб додека се протегаше со другите соиграчи.
Како што пишуваат шпанските медиуми, на Дембеле веднаш му било интервенирано и биле потребни неколку минути да му се стабилизира состојбата!
За тоа време, неговите соиграчи истрчаа кај амбулантите возила до теренот да ја донесат носилката, со цел да го одведат оттаму и да му дадат дополнителна помош.
За среќа, младиот 24-годишен играч успеа да го напушти тренинг центарот на свои нозе и подоцна да отпатува сам до дома со автомобил.
Последователните испитувања покажаа дека нема големи причини за загриженост и дека проблемот веројатно е предизвикан од низок крвен притисок.
Сепак, ваквите работи и ситуации не се толку ретки во денешниот фудбал, каде што секоја година добиваме информации на срцеви удар со фатални исходи на фудбалските терени ширум светот.
Коментари
Loading…