Германија одлучи: Ковид пасош преку апликација!

Германската влада одлучи да му даде на американскиот концерн IBM работа за изработка на електронски пасош за вакцинација во таа земја, дознава Business Insider.

Весникот, повикувајќи се на кругови од германската влада, наведува дека IBM го победи германски Телеком, кој минатата година, заедно со САП, ја развија апликацијата „Corona Warn“.

Министерството за здравство побара понуди од повеќе компании, а според доверливите податоци, вакцинираните ќе добијат дигитален пасош преку центри за вакцинација, лекарски ординации, преку потврда за вакцинација.

Сертификатот за вакцинација прво ќе му биде предаден на вакцинираното лице на хартија (2Д код) или директно преку апликација на паметен телефон. Преку апликацијата, која сега треба да ја развива IBM, рестораните, продавниците, центрите за обука, хотелите и сите други институции можат да го регулираат пристапот со тоа што ќе можат да проверат дали некое лице е вакцинирано.

Оваа работа е многу профитабилна за IBM, бидејќи, како што пишува весникот, според документацијата на Министерството, тие ќе добијат 50 евро центи по сертификат. Тоа, ако се земе предвид предвидената стапка на вакцинација од 80 проценти, тоа би било околу 65 милиони луѓе годишно, односно 32,5 милиони евра.

Според планот, по официјалното објавување на одлуката на владата, дигиталниот пасош треба да се направи во рок од осум недели, што ќе им овозможи на вакцинираните да го добијат тој електронски документ од јуни.