Крај на шоуто на Елен Деџенерис!

Водителката и комичарка Елен Деџенерис ќе престане да го снима своето телевизиско ток-шоу во 2022 година, откри во интервјуто за холивудски репортер.

„Колку и да е одлично и забавно, ова шоу веќе не е предизвик“, рече 63-годишната водителка, за која ова е 17-та сезона на „The Ellen DeGeneres Show“, нагласувајќи дека сака да го заврши шоуто во 2019 година. „Ми треба нешто ново што ќе биде поттик за мене“.

По нејзиниот успех како комичар во 80-тите години на минатиот век, Деџенерис се прослави со серијата „Елен“ (1994-1998), во која во 1997 година стана првиот главен лик на ТВ серијал кој ја признал својата хомосексуална ориентација.

Водителката, која живее со нејзиниот партнер, актерката Порше де Роси, тврди дека одлуката да се запре снимањето на ток-шоуто не е поврзана со полемиката што изби минатата година поради емисијата што се прикажуваше од 2003 година.

Во јули, главните продуценти на шоуто рекоа дека опкружувањето во кое е снимено шоуто е „лошо“.

Елен Деџенерис не беше директно обвинета, но доби прекори за тоа што дозволи да се создаде таква атмосфера во нејзиниот тим.

Гледаноста на шоуто, што се прикажува во попладневните часови од септември, падна нагло и сега има околу 1,2 милиони гледачи, а минатата сезона имаше двојно повеќе.

Деџенерис заработи 84 милиони долари минатата година, благодарение на голем дел од нејзината телевизиска програма, па списанието Форбс ја прогласи за дванаесетта најбогата ѕвезда на светот.