Ви приготвивме рецепт за потполно природен крем за лице и тело, кој има сè што и треба на вашата кожа за да стане помека, почиста, поубава, похранета.
Упатствата ги најдовме на блогот Nurturinghealththroughnature и кремот навистина не е тежок за правење, а се прави според рецептот на Египетската владателка Клеопатра.
Потребни состојки:
- 20 гр пчелин восок
- 1/3 чаша кокосово масло
- 1/2 чаша маслиново масло (или сусам, бадем)
- 1 лажичка есенцијално масло од роза или друг – ваш омилен, нежен за кожата, иако оваа состојка не е потребна
- 100 ml гел од алое вера
- 150 мл вода од ружа (како да ја направите, прочитајте во текстот 3 начини да направите розова вода)
Кремот е составен на база на масло и вода – 50:50.
Растопете го восокот и кокосовото масло на пареа. Измешајте гел од алое вера и розова вода и оставете ги настрана.
Извадете ги стопениот восок и маслото од топла вода и оставете ја смесата малку да се излади – да биде топла на допир, но не и жешка. (Само проверете дали восокот и маслото повторно не се зацврстуваат).
Истурете маслиново масло во оваа млака смеса и промашете. Додадете и есенцијални масла, доколку користите. Веднаш ставете ја смесата во блендер. Нежно измешајте ги состојките и истурете ја мешавината од гел од алое вера и розова вода – малку по малку. Се меша во блендер додека сите состојки не се соединат целосно.
Ќе добиете 50 ml крем за лице и можете да го чувате во тегла. Можете исто така да користите филтрирана вода наместо розова вода. Интересно е што овој крем има долг рок на траење – до една година. Нанесете го на чисто лице по потреба, по можност наутро.
Што мислите, дали вреди да се прави? Дали е ова крем за лице и тело за вас?
Коментари
Loading…