Лацио прегазен од светскиот шампион!

Актуелниот шампион на Лигата на Шампионите, Баерн Минхен без премногу мака успеа да го „реши“ Лацио на гостински терен. Тој во дуелот кој што се одигра во Рим, успеа да слави со високи 1-4 и постави нов рекорд во најелитното натпреварување.

Баерн на 17 натпревари во низа на гости е непоразен во ЛШ. Последниот нивни пораз беше во 2017. Во листата на стрелците се запишаа Левандовски, Мусиала, Сане, а Ачереби си даде автогол. Додека единствениот гол за домаќините го постигна Кореа.