Одличен начин да го искористите стариот леб.
Состојки:
- – 1 помал леб
- – 200 гр рендана гауда
- – 150 гр фета сирење
- – 60 гр путер
- – 2 чешниња лук
- – 1 пиперка
- – сечкан магдонос
Подготовка:
Оставете го путерот да омекне, па измешајте го со издробениот лук и магдоносот. Завиткајте го во фолија и ставете го во фрижидер да се стегне.
Лебот се сече по должина неколку пати, но не до крај, па се сече ширината за да се добијат коцки.
Измешајте рендано сирење и рендана фета со ситно сечканата пиперка.
Наполнете ги парчињата леб со изладени листови путер и подготвен фил со сирење.
Лебот се става во плех, се покрива со фолија и се пече во загреана рерна на 180 степени околу 15 минути.
Отстранете ја фолијата и печете уште 10 минути.
На здравје!