Прекрасни лепињи што можете да ги послужите за појадок, а лесни се за правење.
Состојки:
За тестото:
- 400 мл топло млеко
- 1 квасец
- 1 лажица шеќер
- 1 лажичка сол
- 2 лажици масло
- 480 гр брашно
За фил:
- 5 компири
- 100 мл млеко
- 200 гр рендано сирење
- сол
За премачкување:
- 1 жолчка од јајце
- 1 лажица растително масло
- сусам и ким
Подготовка:
Измешајте млеко, шеќер и квасец. Потоа додадете половина од количината брашно, измешајте, а потоа додадете го остатокот од брашното и солта. Промешајте малку, а потоа замесете меко тесто. Додека се меси, се додава масло. Покријте и оставете да отстои половина час.
Сварете го и испасирајте го компирот со лажица. Потоа додадете млеко и сирење и добро промешајте. Поделете го тестото и филот на три дела и обликувајте топчиња (и од филот и тестото).
Тестото развлечете го со прстите во круг, а потоа ставете малку од филот. Убаво завиткајте го тестото околу филот и раширете го повторно со прстите. Потоа ставете на хартија за печење и убаво формирајте тенок круг. Ставете го на плехот за печење и покријте го, па оставете го да стои уште половина час. Потоа со прстите направете вдлабнатини на тестото (мали дупки), па премачкајте со јајце и масло и наросете сусам и ким.
Печете на 180 ° C околу 20 минути.
Коментари
Loading…