Ana
Нема човек кој не сака руска салата, но кога ќе дојде подобро време ни е малку потешко, бидејќи е јака и мрсна. Направете летна варијанта и заменете ги грашокот, компирот и шунката со пченка, јаболка и кромид. Задолжително маринирајте го кромидот, бидејќи ќе омекне и ќе ја изгуби горчината. Полесно ќе ви падне на стомак. Одлично е со месо, особено јагнешко.
Состојки:
- 2 поголеми моркови
1 поголемо јаболко
1 кромид
180 гр конзервирана пченка
4 варени јајца
2 лажици мајонез
1/2 лажичка сол
2 лажици шеќер
3-4 лажици оцет
100-150 ml топла вода
Подготовка:
Сварете го морковот, па исечете го на коцки, како и јаболкото и јајцето. Исечкајте го кромидот, а потоа додадете шеќер, сол, вода и оцет и кратко маринирајте. Додадете во салатата како и пченката. Сè убаво соединете со мајонез.
