Мафини од овес и портокал

Пробајте го овој рецепт и направете десерт во чии залчиња ќе уживаат сите домашни

Мафините стануваат сè попопуларни кај нас. Одлични се за секоја прилика, а овој рецепт во комбинација со портокал ќе ве остави без здив.

Состојки:

• 1 чаша овесни снегулки
• 1/2 чаша сок од портокал
• 1/2 чашапроварена вода
• 1/2 чаша путер
• 1/2 чаша кафеав шеќер
• 2 јајца
• 1 шолја суво грозје
• 1 шолја брашно
• 1 лажичка прашак за пециво
• 1 лажичка сода бикарбона
• 1/2 лажичка сол

Приготвување:

1. Загрејте ја рерната на 200°C. Во калапите за мафини ставете хартиени кошнички.
2. Помешајте ги овесните снегулки, сокот од портокал и водата, добро измешајте и оставете ја смесата да отстои 15 минути.
3. Во еден сад измешајте ги путерот и шеќерот, додадете ги јајцата и добро измешајте. Додадете го и сувото грозје и смесата со овесните снегулки. Во друг сад измешајте ги брашното, пецивото, содата и солта и соединете ги двете смеси.
4. Ставете го тестото во подготвените калапи и печете околу 25 минути.

На здравје и добар апетит 🙂