Солшер: „Сезоната на Манчестер Јунајтед започнува сега“

Оле Гунар Солшер изјави дека сезоната на Јунајтед започнува по натпреварот со Њукасл во кој Црвените Ѓаволи успеаа да се вратат од 1 гол негатива и да победат со резултат 4:1. Мегвајер одговори на авто голот на Шо во првото полувреме, а при крајот на натпреварот Бруно Фернандеш, Ван Бисака и Маркус Рашфорд им го нанесоа високиот пораз на Њукасл.

Ова беше идеален одговор на Јунајтед по поразот со Тотенхем со 6:1 минатото коло. „Сезоната за нас започна денеска. Дојдовме да покажеме што знаме и го покажавме тоа. Мегвајер покажа одличен карактер.“ изјави тренерот на Манчестер Јунајтед, Оле Гунар Солшер.