Медицински техничар заразен со корона после приемот на вакцината!

Медицински техничар од САД се заразил со вирусот корона неколку дена по приемот на вакцината „Фајзер“, пренесува ABC News.

Метју В. (45), медицински техничар од Сан Диего, ја прими вакцината „Фајзер“ против вирусот корона на 18 декември, а единствениот несакан ефект што го разви беше иритација на местото на апликација. Шест дена подоцна, по смената во клиниката Ковид, Метју почувствува треска, болки во мускулите и замор.

Тестот покажа дека тој е позитивен на вирусот корона. Ова сценарио не е невообичаено, тврдат експертите.

Луѓето кои примиле вакцина не развиваат веднаш имунитет на вирусот корона, туку по десет до 14 дена. Покрај тоа, дури и тогаш, потребно е да се прими втора доза на вакцина – првата доза обезбедува заштита од 50 проценти, а втората до 95 проценти.

Исто така е можно медицински техничар да се зарази со вирусот корона пред да ја прими вакцината, имајќи предвид дека периодот на инкубација може да трае до две недели.

Сите овие можности укажуваат на тоа дека вакцината не е магично решение и дека ќе биде потребно време да се потисне пандемијата, притоа почитувајќи ги хигиенските правила, мерките за далечина и носењето заштитни маски, посочуваат експертите.