Легендарниот тенисер Џон Мекинро тврди дека Новак Ѓоковиќ може да го освои „златниот слем“ оваа година.
Новак, кој е на првата позиција на АТП ранг листата, неодамна го освои Ролан Гарос и Вимблдон , а претходно славеше и на Австралија Опен. Србинот изјави дека целта му е да го освои златниот слем oдносно да победи на Олимписките игри и на УС Опен.
Според легендарниот амеркиански тенисер, Џон Мекинро, единствената пречка на Ѓоковиќ до златниот слем е неговата физичка состојба. Мекинро тврди дека Новак е најдобриот тенисер на сите времиња на бетон и може да го освои златниот слем оваа година.