Ana
Меленото месо додека се подготвува испушта многу течност, па тешко е да се постигне убаво карамелизирање и зарумени, но овој трик ќе го реши тој проблем…
Без разлика дали полнете зеленчук со мелено месо или печете ќебапи и колачи, претходно посипете го месото со сода бикарбона, советува готвачката и авторка на гастро теми Сара Тане.
– На 450 грама мелено месо додадете четвртина лажичка сода бикарбона и оставете го месото така 15 минути пред подготовката – советува Сара.
– Меленото говедско месо испушта многу течност при печењето, па тешко се постигнува убаво карамелизирање и заруменување на месото. Некои готвачи го решаваат овој проблем со печење мелено месо во помали количини, но трикот со сода бикарбона го решава тој проблем – вели Сара, додавајќи дека во основа поголемата pH вредност на сода бикарбона го спречува врзувањето на протеините, а со тоа и губењето на течноста.
