Последните недели се добиваше впечаток дека трката за „Златната топка“ е порамномерна од кога било, но ситуацијата беше сосема поинаква.
Лионел Меси на крајот ја освои наградата од „Франс Фудбал“ по седми пат, второто место му припадна на Роберт Левандовски, додека Жоржињо го комплетираше подиумот.
Разликата помеѓу Аргентинецот и Полјакот е навистина огромна и според освоените бодови фудбалерот на Баерн немаше шанса против играчот на ПСЖ.
Имено, францускиот „Л`Екип“ ги објави резултатите од гласањето. Меси собра 613 поени, а Левандовски заостана дури 33 поени.
Таа разлика е огромна од многу едноставна причина. Кога Меси ја освои „Златната топка“ во 2019 година, му побегна на Вирџил ван Дајк за само седум поени. Аргентинецот имаше 686 поени, а Холанѓанецот 679 поени.
OFFICIAL: Lionel Messi won the 2021 Men's Ballon d'Or with 613 points, finishing 33 ahead of Robert Lewandowski in second place.#BallondOr pic.twitter.com/7OzT3NlhdU
— Squawka News (@SquawkaNews) November 29, 2021
Дали е реално дека Ван Дајк беше подобар од Левандовски во 2019 година во 2021 година, останува прашање на личен вкус, но заостатокот од 33 поени зад Меси изгледа нереално за одличниот полски напаѓач.
Инаку, третопласираниот Жоржињо имаше 460 поени. Како главен кандидат се споменуваше Карим Бензема кој заврши на четвртото место со 239 поени.
Кристијано Роналдо, кој пет пати ја освојуваше „Златната топка“, се најде само на шестото место со 178 поени, што е негов најслаб учинок во последните 10 години.