Мумиите на фараоните беа преместени во новиот музеј со спектакуларна церемонија! [ВИДЕО]

Вчера во Египет се одржа свечена парада и прослава по повод пренесувањето на 22 скапоцени мумии од стариот музеј во центарот на Каиро во новата зграда на Националниот музеј на египетска цивилизација, која исто така се наоѓа во главниот град.

Церемонијата беше дизајнирана да го прикаже огромното археолошко наследство и културното наследство на Египет.

Мумиите биле транспортирани во специјални климатизирани саркофази, со камиони украсени со крилја и фараонски ознаки, а египетската артилерија испукала 21 почесен вод по повод овој настан.

Повеќето мумии се од периодот на Новото кралство од 1539 до 1075 година п.н.е., а меѓу нив се и мумиите на Рамзес Втори, еден од најпознатите египетски фараони и кралицата Хатшепсут.

Таа беше единствената жена во позиција на фараон која владееше како маж носејќи лажна брада за да не се сомнева дека со традиционалниот, патријархален Египет управуваше жена.

На Златната парада учествуваа бројни јавни личности, актери, симфониски оркестар, хорови, музичари, играчи.. Програмата се одвиваше на повеќе локации, вклучувајќи го и платото во Гиза.

Мумиите ќе бидат дел од новата изложба што ќе биде отворена за посетителите на Музејот од 18 април.