Ana
Вежбањето на високи температури во текот на летните месеци може да предизвика дополнително оптоварување на телото, па затоа е важно да ги знаете границите и да слушате што ни кажува телото.
Физичката активност на високи температури може да биде опасна.
Тоа може да доведе до зголемено ниво на стрес и болести поврзани со топлина, вклучувајќи топлотен удар и дехидрација.
Тренерот Џејми Барнард откри на што треба да обрнете внимание.
Пијте многу течности
Хидратацијата е важна, без оглед во какви услови вежбате, но таа е особено клучна кога вежбате на високи температури.
Кога температурите се зголемуваат, повеќе се потите, така што консумирањето вода помага да се надополни течноста изгубена преку прекумерно потење.
Не претерувајте
Важно е да знаете каде се вашите граници, како и да го слушате вашето тело.
Ако сте релативно нови за вежбање или се враќате по пауза, треба да го прилагодите вашето вежбање на умерен интензитет.
Проверете ја временската прогноза пред да одите
Треба да обрнете посебно внимание на временската прогноза и да избегнувате вежбање во најжешкиот дел од денот. Идеално време би било рано наутро или навечер кога температурата е поподнослива и помалку опасна.
Не заборавајте да ставите крема за сончање
Пред да започнете со вежбање, нанесете крема за сончање, обидете се да го направите барем 30 минути порано за кожата да има време да го апсорбира кремот.
Носете соодветна опрема
Одлучете се за воздушна, лесна и широка облека што овозможува испарување на потта, за да можете ефикасно да се оладите. Исто така, не заборавајте за капи за заштита од сонце.
Коментари
Loading…