Наинголан повеќе не е играч на Интер, но останува во Серија А

Според италијанските медиуми Раџа Наинголан од Интер оваа зима ќе се пресели во редовите на Каљари.

Иако се поврзуваше со трансфер во турската лига, „неро-аѕурите“ ќе го позајмат (до јуни 2021 година) во клуб кој се бори за опстанок во шампионатот. Со Интер има договор до 30 јуни 2022 година).

Односно тој повторно ќе соработува со Еузебио Ди Франческо, екс тренерот на Рома. Доаѓа практично како замена за Марко Рог кој поради повреда на коленото ја заврши сезоната.

Во италијанската Серија А белгискиот интернационалец Наинголан запиша само четири настапи, последниот го имаше на 22 ноември во победата над Торино (4:2).

Во својата кариера 32-годишниот играч од средниот ред претходно веќе настапуваше за Каљари, а беше дел и од Рома и Пјаченца.