Совршен намаз од лешник и чоколадо.
Состојки:
- 300 мл слатка павлака
- 2 ванилин шеќер
- неколку капки арома на ванила
- 200 гр печени излупени лешници
- 230 гр млечно чоколадо
- 2 лажици какао
- 75 гр путер
Подготовка:
Сомелете ги лешниците и изрендајте или исечкајте го чоколадото.
Во сад ставете слатка павлака, ванилин шеќер и неколку капки арома на ванила. Загревајте на умерена температура до точката на вриење, мешајќи постојано за да се раствори шеќерот.
Додадете ги лешниците и варете на умерена температура околу 10 минути со постојано мешање. Извадете го од шпоретот, а потоа ставете ја смесата во блендер за да добиете мазен крем.
Вратете го кремот од лешник на шпоретот. Додадете путер, чоколадо и какао и мешајте додека не се стопи чоколадото.
Оставете малку да се излади, па истурете во тегла, добро затворете ја и оставете ја да стои на ладно место преку ноќ.
Од оваа количина треба да добиете околу 3/4 литри намаз.
На здравје!
Коментари
Loading…