СТЕ СЕ ЗАПРАШАЛЕ ЛИ НЕКОГА?! Зошто не се сеќаваме на настаните од нашето најрано детство?

Иако, според експертите, нашата личност е формирана уште во најраното детство, малкумина имаат сеќавања од тој период од животот.

Како што растеме, ги забораваме луѓето, настаните и местата што сме ги сретнале во детството, а причината за тоа е феноменот наречен „детска амнезија“.

Станува збор за неможноста на возрасните да запомнат детали или цели настани што им се случиле пред да наполнат четири години, а една од теориите вели дека детската амнезија се јавува поради неможноста да зборуваат во првите години од животот.

Ние ги опишуваме спомените со убави зборови во главата и ги паметиме на тој начин. Бидејќи мало дете не зборува значајно до втората година од животот, не е во состојба да создаде вистинска меморија.

Сепак, некои истражувања исто така тврдат дека дел од причината за амнезија лежи во развојот на нашиот мозок, кој, иако е зафатен со создавање нови клетки, не складира долгорочни спомени, така што сè уште нема таканаречена „епизодна меморија“.

Затоа, ние често имаме општи сеќавања на раното детство, на пример, од паркот во кој често одевме, но не се сеќаваме на многу детали.