ХАС ОФИЦИЈАЛНО ПОТВРДИ: Никита Мазепин ќе вози за Американскиот тим во F1 следната сезона!

Оваа одлука не е изненадување во светот на мотоспортот, но дури сега пристигнува официјална потврда од тимот на Хас дека младиот Русин Никита Мазепин ќе добие седиште во престојната 2021 сезона. Мазепин моментално се наоѓа на третата позиција во F2 и ќе се приклучи на Хас на неколку години.

Тој стана четвртиот Русин кој ќе вози во F1. Во соопштението кое го објави тимскиот шеф на Хас, Гунтер Стајнер пишуваше: „Никита се покажа во F2 оваа сезона со 2 победи и неколку подиуми. Тој порасна во зрел возач возејќи за F2 и GP3. Возбуден сум што ќе вози за Хас во 2021 и му посакувам многу успеах во F1“.