Очекувано: Новак го пропушта Купот на Роџерс

Најдобриот тенисер на планетата, Новак Џоковиќ, нема да игра на Роџерс купот во Торонто, што ќе се одржи пет дена по завршувањето на олимпискиот тениски турнир во Токио, официјално е потврдено.

Натпреварот за златниот медал во Токио е планиран за 1 август, а натпреварувањето во Торонто започнува на 5 август.

Покрај Џоковиќ, познато е дека на турнирот нема да бидат Доминик Тим, Давид Гофан и Стен Вавринка.

Џоковиќ во минатото четири пати го освојуваше Купот на Роџерс – во 2007, 2011, 2012 и 2016 година.

Актуелен шампион е Рафаел Надал, кој беше подобар од Данило Медведев во финалето во 2019 година. Во 2020 година, турнирот не се одржа поради пандемија на коронавирус.

Турнирот се игра на отворено и на тврди површини и припаѓа на сериите Мастерс 1000.