Огромен бран прекинал венчавка на Хаваите (ВИДЕО)

Од Националната метеоролошка служба објавиле дека големите бранови, некои повисоки и од шест метри, настанале во комбинација од силен јужен ветер, посебно висока плима и раст на нивото на морето.

Брановите прекинале една свадбена прослава, а столчињата и масите по ударот биле разнесени по терасата. Снимката завршила на Твитер.

Гостите на венчавката: Ситуацијата не беше опасна по живот

„Брановите беа огромни. Еден од нив едноставни мина преку ѕидот и ги уништи масите и столчињата“, рекла Сара Акерман која го снимила видеото.

„Ситуацијата не беше опасна по живот. Повеќе се прашувавме каде ќе ги ставиме масите и столчињата“, рекла Акерман и додала дека продолжиле со прославата откако го исчистиле нередот.