КИНЕЗИТЕ ЈА ДРЖАТ КОРОНАТА ПОД КОНТРОЛА: Осум нови случаи, сите заразени дошле од странство!

Бројот на заразени од почетокот на пандемијата на корона вирусот е 86.346.

Кина во неделата забележа осум нови случаи на коронавирус, што е за 13 помалку од претходниот ден, соопшти денеска Министерството за здравство.

Државната комисија за здравство додаде дека сите новозаболени пациенти дошле од странство.

Бројот на асимптоматски случаи, кои Кина не ги вклучува во вкупниот број на пациенти, се зголеми од шест во неделата на 14 денес.

Според официјалните податоци на кинеските власти, бројот на заразени лица од почетокот на пандемијата на вирусот корона е 86.346, а бројот на починати е 4.634.