Откриени нови фрагменти на Свитоци од Мртвото Море! [ФОТО]

Израелските археолози најавија откривање на десетина нови фрагменти од свитоци на Мртвото море со библиски текст пронајдени во пештера во пустината, за кои се верува дека биле скриени за време на еврејскиот бунт против Рим пред скоро 1.900 години.

Фрагментите од пергамент го содржат текстот на грчки јазик од Книгата на Захарија и Наум, а радикаглеродниот метод утврдил дека потекнуваат од вториот век од нашата ера, објави израелската управа за антиквитети.

Тоа е првото ново откритие на ваквите текстови во пустината јужно од Ерусалим по шест децении.

За нив се верува дека припаѓаат на парчиња пергамент пронајдени на место познато како „Пештера на ужасите“ така именувано затоа што во 1960-тите години биле ископани 40 човечки скелети, кои содржат и грчки превод на книгата Дванаесет мали пророци.

Се верува дека фрагментите биле скриени во една пештера за време на вооруженото востание на Бар Кохба против Рим за време на владеењето на императорот Адријан помеѓу 132 и 136 година. Пронајдени се како дел од напорите на Антикативната администрација во пустината Јудеја да ги пронајде свитоците и да спречи можна кражба.

Свитоците од мртвото море или списите на Кумран се состојат од околу 900 документи, вклучувајќи текстови од хебрејската Библија откриени помеѓу 1947 и 1956 година во 11 пештери околу Кумран во близина на античката населба Кирбет Кумран на северозападниот брег на Мртвото Море.

Тие датираат од третиот век пред нашата ера до првиот век од нашата ера и ги вклучуваат најраните познати копии на библиските текстови и документи.