Paul McCartney го објави својот нов албум

Неколку денови откако најави нешто ново, легендарниот музичар конечно го објави својот нов албум насловен „McCartney III“ кој треба да искочи на 11ти Декември преку Capitol Records. Насловот е продолжение после неговиот деби соло албум во 70тите „McCartney“ и вториот негов албум во 80тите „McCartney II“.

„МcCartney III“ беше снимен во текот на оваа година во Англија и во него Пол Мекартни свири на сите инструменти вклучувајќи ги: гитарата, пијаното, басот и тапаните. „За време на карантините јас бев во мојата фарма заедно со моето семејство и свирев во студиото секој ден. Имав некоја работа да напишам музика за филм и кога ја завршив се запрашав што понатаму? Секој ден свирев со инструментите и не ни замислував дека ќе напишам албум.“ изјави Пол.