Edo
Легендарниот бразилски фудбалер, Пеле изјави дека сака Нејмар да го обори неговиот рекорд за репрезентативниот дрес.
Пеле постигна 77 погодоци во дресот на бразилската репрезентација, а сега Нејмар стигна блиску до таа бројка. Напаѓачот на ПСЖ има само 9 погодоци помалку од Пеле, откако постигна гол во натпреварот против Перу во Копа Америка.
Нејмар беше во солзи откако го постигна голот и на прес конференцијата објасни колку му било тешко на него и неговата нација овие изминати неколку години и дека сака сите да ги направи горди.
Пеле, кој е еден од најдобрите играчи во историјата, изјави дека е невозможно да не се насмевнете кога го гледате Нејмар како игра.
