ПЕРФЕКТНО СТИМУЛИРАЊЕ? За вакцинираните Американци – бесплатно пиво!

Бесплатното пиво е најновиот поттик на Белата куќа за Американците да се вакцинираат против ковид. Претседателот Џо Бајден се очекува да објави „месец на акција“ за да се вакцинираат повеќе луѓе пред празникот на 4 јули.

Бајден треба да ја информира нацијата за вакцинацијата и планот за вакцинирање на 70% од возрасните до Денот на независноста.

Тоа е клучно за неговата цел ова лето да го врати предпандемиското чувство на нормалност во земјата. Најновиот стимул за вакцини, обезбеден од Анхаузер-Буш, се заснова на други, како што е распределбата на готовина и спортски билети, со цел Американците да продолжат со темпото на вакцинација, објави АП.

До денес, 62,8 проценти од возрасната популација во САД примиле барем една доза на вакцина, а 133,6 милиони се целосно вакцинирани. Стапката на вакцинација повторно забави на просек под 600,000 на ден.