Бизарна петиција со која се бара да не му се дозволи влез на Земјата на Џеф Безос по неговата „екскурзија“ во вселената, собра илјадници гласови

Само неколку недели пред најбогатиот човек на светот, Џеф Безос да замине во вселената, се појави чудна петиција на социјалните мрежи.

Пред лансирањето на ракетата направена од неговата компанија Blue Origin, која ќе ги однесе Џеф и неговиот брат во вселената, се појави петиција со која се бара да му се забрани повторен влез во Земјата на сопственикот на Амазон.

Креаторот на петиција тврди дека „екскурзијата“ на Безос ќе биде совршена шанса за да се исчисти светот од „злото“ и тврди дека тој по враќањето ќе ги активира неговите „5Г микрочипови за конторла на народот“. Секако дека сето ова не е точно и дека оваа теорија нема никаква научна подлога.