in

СлаткоСлатко

Пијалоци кои помагаат при несоница

Сок од вишна

 

Црешата е еден од ретките видови овошје кое содржи мелатонин – природен хормон кој го регулира сонот. Нашето тело природно го лачи хормонот мелатонин, кој се ослободува само ноќе, обично по 21 часот, и на тој начин го поттикнува спиењето. Пред спиење испијте чаша чист сок од вишна. Ова ќе ви овозможи да имате длабок, непрекинат и релаксирачки сон. Мелатонин се користи и во третман на менопауза, одвикнување од лекови, рак на дојка и простата, хиперактивност и недостаток на внимание.

 

Лековити својства на вишните: го храни и штити мозокот, го намалува ризикот од дијабетес, помага при нарушувања на бубрезите, добро делува на дигестивниот систем, промовира губење на тежината, го подобрува спиењето, го намалува ризикот од срцеви заболувања, помага при воспаление на уринарниот тракт.

Чај

Камилицата кај нас е синоним за чај. Но, ако ги погледнете сите лековити својства што ги има, не е ни чудо што е така. Камилицата е „лек за се“. Ова лековито растение го подобрува варењето, ја намалува треската, ги ублажува болките, ги смирува грчевите, ги намалува осипите, ги смирува изгорениците, конјунктивитисот, дерматитисот, ја ублажува депресијата, ја намалува раздразливоста, ги ублажува тешкотиите со мигрена и климаксот, ги третира акните, обезбедува пријатно чувство на внатрешна рамнотежа.

Лавандата има смирувачки мирис што ја прави одличен тоник за нервите. Лавандата помага при лекување на мигрена, главоболки, анксиозност, депресија, напнатост и стрес. Нејзиниот пријатен мирис го отстранува заморот и немирот и ја зголемува менталната активност. Како средство за смирување и опуштање, покрај маслото, помага и чајот од лаванда, како и смирувачка купка.
Навечер се препорачува пиење благ чај од камилица и лаванда (лажичка сушено цвеќе од лаванда и лажичка сушено цвеќе од камилица, полијте со 3 dl топла вода). Се пие процедено по 5 минути.

Топло млеко

Вкусната комбинација од топло домашно млеко, мед и прстофат морско оревче е билет за фестивалот на спиење.

Топлото млеко одамна е познато како идеален пијалок пред спиење, но не поради современите причини наведени од триптофан. Истражувањата покажуваат дека топлото млеко не го подига нивото на триптофан, туку ја зголемува внатрешната температура на телото, што опушта и овозможува мирен сон. Ако на тоа се додаде и најмоќната состојка, плацебо ефектот, смирени сте до утрото. Топлото млеко е психолошки поврзано со мир и поспаност. Можеби тоа датира од раното детство кога пиевме мајчино млеко и „спиевме како бебиња“.

Медот содржи триптофан кој е есенцијална аминокиселина од витално значење за нашиот сон. Медот создава инсулин, кој го движи триптофанот преку крвно-мозочната бариера. Ова потоа се претвора во серотонин, кој во мракот се претвора во мелатонин во епифизата на мозокот. Резултатот е вашето тело да ви каже: „Во ред, време е за спиење“.

Мускатното оревче е доста моќен зачин со кој е можно да се „предозирате“, да се чувствувате лошо, да халуцинирате и да доживеете безброј други непријатни нуспојави. Меѓутоа, кога безбедно се консумира во мали количини, тој е прилично добар природен додаток за квалитетен сон, благодарение на бројните хемиски состојки кои имаат смирувачки ефект. Само држете се до четвртина лажичка и ќе бидете во ред.

Како ви се допаѓа?

0 поени
Upvote Downvote