Почина астронаутот Мајкл Колинс, член од мисијата „Аполо 11“!

Припадник на мисијата да слета на Месечината со вселенското летало „Аполо 11“, генерал-мајор Мајкл Колинс, почина од рак на 91-годишна возраст, објави неговото семејство.

Огласот е објавен на Twitter профилот на Колинс..

Family Statement on Passing of Astronaut Michael Collins pic.twitter.com/6OAw7CzFaz

— Michael Collins (@AstroMCollins) April 28, 2021

Во соопштението се наведува дека Колинс последните денови од животот ги минал мирно со членовите на семејството.

„Мајк отсекогаш се соочувал со животните предизвици со благодат и смирение и на истиот начин се приближил до последниот предизвик. Многу ќе ни недостасува. Од друга страна, ние сме свесни колку е среќен Мајк што живее таков живот. Ние ќе ја почитуваме неговата желба да не го жалиме, туку да го славиме неговиот живот “, се вели во соопштението на семејството.

Семејството на Колинс побара приватност, со ветување дека навреме ќе објави детали во врска со погребот на славниот астронаут, објави Спутник.

Колинс, роден во Италија во 1930 година, се приклучил на американската армија во 1950-тите, како и неговиот татко.

Колинс беше член на американското воено воздухопловство, а во 1963 година беше избран за вселенската програма Аполо.

Леташе во вселената двапати, првиот пат во вселенското летало „Близнаци 10“ во 1966 година, а вториот пат како дел од екипажот „Аполо 11“ во јули 1969 година.

Колинс не слета на Месечината, туку беше во командниот модул „Колумбија“, кој леташе над површината, додека неговите колеги Нил Армстронг и Едвин Баз Олдрин слетаа и одеа по површината на Месечината.