Поголемиот дел од Канаѓаните би можеле да бидат вакцинирани до следниот септември

Канадскиот премиер Џастин Трудо изјави дека повеќето граѓани можат да се вакцинираат до септември 2021 година – побрзо отколку што се мислеше. „Лекарите потенцираа дека, ако сè оди како што треба, постои голема шанса мнозинството Канаѓани да бидат вакцинирани до следниот септември“, вели Трудо.

Вакцините наскоро ќе бидат светло на крајот од тунелот. Пред скоро две недели здравствените власти претпоставија дека до крајот на 2021 година би требало „голем дел од населението“ да ја примат вакцината.