И покрај короната, се отвори ледениот фестивал во Харбин! [ФОТО]

Осветлени ледени кули и кристални палати направени од џиновски блокови мраз и огромни снежни лавиринти ја пречекуваат публиката на кинескиот годишен фестивал на мраз во Харбин.

Волшебните сцени привлекуваат милиони посетители секоја година во градот на северо-исток од земјата, кој го отвори зимскиот фестивал во вторникот и покрај повторното појавување на епидемиите на вирусот корона во неколку делови на Кина.

Подготовките за фестивалот започнаа неколку недели порано и работниците ископаа милиони кубни метри мраз од површината на реката Сонгхуа.

Коцка мраз обликувана во огромен цвет осветлена во вторникот вечерта, означувајќи го почетокот на фестивалот.

Зимските олимписки игри во Пекинг во 2022 година инспирираа за промоција на зимските спортови и туризмот низ Кина, а бројот на кинески скијачки центри е скоро четири пати зголемен во изминатата деценија.

Кина во голема мерка ја стави под контрола епидемијата на коронавирус, забавните и културните настани почнаа да се отвораат, а животот во голема мера се врати во нормала во последните месеци.

Посетителите на фестивалот годинава мора да го покажат „здравствениот код“ на апликацијата за следење на контактите на луѓето кои страдаат од Ковид-19, а нивната температура се мери пред да влезат на фестивалот.