Студијата тврди: Заради родителско викање и суровост, децата може да имаат помал мозок!

Суровото и грубо родителство може да влијае на децата и да резултира со намалување на мозокот на вашето дете, тврди новото истражување.

Постојаното викање, лутина, врева или удирање врз децата се поврзани со нивниот посиромашен развој, сметаат канадските научници. Особено, тие веруваат дека ваквото однесување на родителите може да доведе до проблеми во социјалниот и емоционалниот развој на децата, според истражувањето објавено во списанието „Развој и психологија“.

„Мислам дека е важно родителите и општеството да разберат дека честата употреба на груби практики може да му наштети на развојот на детето“, рече водечката авторка на студијата Сабрина Суфрен, додавајќи: „Зборуваме за нивниот социјален и емоционален развој, како и за развојот на мозокот “

Претходните студии веќе покажаа дека децата кои доживеале сериозна злоупотреба имаат помал префронтален кортекс и амигдала. Овие се двата дела на мозокот кои играат клучна улога во емоционалната контрола и растот на анксиозност и депресија.

Истражувачите забележале дека истите области на мозокот биле помали кај деца кои постојано биле изложени на груби практики на родителство во детството – иако децата не биле соочени со посериозно малтретирање.

“Овие откритија се и значајни и нови. Ова е прв пат остри практики на родителство, кои не припаѓаат на сериозно злоставување, да се поврзат со намалена структура на мозокот, слично на она што го гледаме кај жртвите на сериозни форми на злоупотреба”, Суфрен кажа.

Таа се осврна и на истражувањето од 2019 година, велејќи дека тоа „покажало дека грубите практики на родителство можат да предизвикаат промени во работата на мозокот кај децата, но дека сега е познато дека тие влијаат и на самата структура на детскиот мозок“.

Како дел од истражувањето, децата од раѓање биле проучувани и биле следени различни стилови на родителство. Секоја година, на возраст од две до девет години, се мереше нивото на вознемиреност кај децата. Со помош на форми на практики за родителство и нивоа на вознемиреност, децата биле поделени во две групи: оние кои биле изложени на мала доза на грубо родителство и оние кои биле изложени на голема доза на грубо родителство.

Кога децата наполниле 12 години, направено е снимање со магнетна резонанца и до 16-годишна возраст се проценува нивото на вознемиреност.

Ова истражување е прво што се обиде да ги идентификува врските помеѓу грубите практики на родителство, вознемиреноста кај децата и анатомијата на нивниот мозок, пишува „Сонцето“.

“Имајте на ум дека овие деца беа постојано подложени на остри практики на родителство на возраст од две до девет години. Ова значи дека разликите во нивниот мозок се поврзани со повторното изложување на груби практики на родителство за време на детството”, рече Суфрен.