ПОРАНЕШНИОТ ДЕФАНЗИВЕЦ НА ЈУВЕНТУС РАСПАЛИ ПО РОЛАНДО! Тој е неук и нема никаква почит!

Напаѓачот на Јувентус, Кристијано Роналдо очигледно не е многу заинтересиран за изучување на италијански јазик, а поранешниот дефанзивец на тој клуб, Пасквале Бруно, смета дека однесувањето на еден од најдобрите голгетери во светот се подразбира како недостаток на почит.

Португалецот живее во Италија веќе две години, но не успеа да го совлада јазикот на таа земја. Тој дури и не покажа голем интерес да поработи на тоа откако пристигна на Апенинскиот полуостров од Реал Мадрид во 2018 година.

„Тој е неук. Тој е во Италија веќе две години и сè уште не го научил нашиот јазик. Тој го користи шпанскиот јазик за да се изрази. Тој нема почит кон соиграчите и кон Италија “, истакна Бруно.

Тој стана коментатор на крајот од својата кариера, а како играч важеше за еден од најсилните дефанзивци што ги произведе Италија.