Ana
Со одигрување на вечерашните натпревари од последното шесто коло во групната фаза од Лигата на шампионите, познати се сите патници во осминафиналето на елитното натпреварување во сезоната 2022/2023.
Откако денеска последните две места ги пополнија бундеслигашот Лајпциг и италијанскиот великан Милан ги имаме сите учесници во нокаут фазата. Англија и Германија со по четири екипи ќе бидат земји со најмногу претставници во оваа фаза од натпреварувањето. Интересно е тоа што по долги години Шпанија ќе има само еден претставник во името на Реал Мадрид. Три тима во нокаут фазата ќе има Италија (Наполи, Интер и Милан), додека со две екипи ќе биде Португалија (Порто и Бенфика). Покрај Шпанија по еден тим во осминафиналето ќе има и Франција (ПСЖ) како и Белгија (Клуб Бриж).
Ждрепката за осминафиналето во Лигата на шампионите е закажана за 7. ноември (понеделник) со почеток во 12 часот. Првите мечеви ќе се играат на 14, 15, 21 и 22 февруари, додека реваншите се закажани за 7, 8 14 и 15 март.
Round of 16 complete ✅#UCLdraw || #UCL pic.twitter.com/lOe8RlOPvT
— UEFA Champions League (@ChampionsLeague) November 2, 2022
