Oli
Сите шест екипи од Премиерлигата кои беа членки на Европската Супер лига донесоа одлука да се повлечат од тоа натпреварување, пренесуваат британските медиуми. Манчестер Сити беше првиот клуб кој официјално се откажа од учеството во СЛ, а го следеше Челси. Подоцна вечерта, Арсенал, Ливерпул, Манчестер Јунајтед и Тотенхем ги направија истите чекори.
Нацрт на Суперлигата и 12 клубови основачи беше објавен во неделата вечерта, но тој план беше остро осуден од мнозинството фудбалска јавност.
Сити прво изјави дека „формално реагирал и ја започнал постапката за повлекување“, а потоа реагирале и други англиски екипи.
Ливерпул наведува дека нивното учество во новото натпреварување е „стопирано“.
Од Манчестер Јунајтед велат дека „внимателно ги слушале реакциите на навивачите на британската влада и другите лица вклучени во клубот и донеле одлука да не учествуваат“.
Арсенал се извини, велејќи дека „погрешиле“ и додаде дека се повлекуваат затоа што ја виделе реакцијата на навивачите и пошироката фудбалска заедница.
Претседателот на Тотенхем Даниел Ливи истакна дека клубот „жали што предизвика гнев и незадоволство“ од овој предлог за ново натпреварување.
Засега останува да видиме дали оваа епизода ќе има некакви последици во форма на казни од ФА, како и што ќе се случи со „не-англиските“ екипи-членки на СЛ.
We will not be participating in the European Super League.#MUFC
— Manchester United (@ManUtd) April 20, 2021
We can confirm that we have formally commenced procedures to withdraw from the group developing proposals for a European Super League (ESL).#THFC ⚪️ #COYS
— Tottenham Hotspur (@SpursOfficial) April 20, 2021
As a result of listening to you and the wider football community over recent days we are withdrawing from the proposed Super League.
We made a mistake, and we apologise for it.
— Arsenal (@Arsenal) April 20, 2021
Liverpool Football Club can confirm that our involvement in proposed plans to form a European Super League has been discontinued.
— Liverpool FC (@LFC) April 20, 2021
Коментари
Loading…